NABAWAN: Minongunsub di koniab i Puu parlimen Pensiangan, Tan Sri Joseph Kurup o Komontilian Kohidasan do maganu haang tosikap montok monguhan ahal projik kolinik kohidasan uvang i dinuanan au nopongo. Minoboos isido do kalaja di nokotood diho mantad po di tohu toun nakatahib.
Kurup, isido ponogi i Kumoduvo Montili Ontodonon Tinagas om Sandad Posoihi, minoboos do sabaagi hahansanon layat id uvang nokomoi, kinoponsohan kozo isido miampai kinodomutan kopoonjulan projik di apatut daa do opongo ontok vuhan Koduvo toun dumonto. “Iti nopo nga koumatan di pindad indad kozo do mogiigizon id uvang diti. Kikopuimanan zou do au ounsikou miampai kobuuon kavavagu diti, mositi o boogizan Komontilian Kohidasan do maganu haang tosikap om tokodou montok monguhan diho,” ka disido di kahapas minintong hivang panadaan kolinik kohidasan nokomoi do doiti.
Minoboos isido Kurup do isido om buuan ngaavi id uvang nokomoi, humansan do mooi o koumatan diho aanu papanaon om susuutonon do pongozon tumanud timpu di pinatantu. “Projik Kolinik Kohidasan diti apatut adadi agenda koiso tu mogiigizon do doiti momoguno kozo do hamin pongusapan. “Statistik kokomoi ningkokoton kohidasan dioho (mogiigizon) okon ko kosontob,” ka di Kurup, i pinapaanjul nogi piipio abaabazan kotoinaan kohidasan id uvang nokomoi, kaampai no miampai do Mercy Malaysia.
Tumanud kopoihaan mantad Kotinanan Mononombuhui Kolinik Kohidasan, notingkod o projik diho tu nokotoguvang kobohingkaangan kousinan o boogizan kuntiliktol. - Sabah times
No comments:
Post a Comment